丹尼爾Daniel、鴨子家的部落格

店仔口ㄟ青春歌  詞曲：詠能2010/06/23

(A)1

彼一暝我又擱轉來這         隨著月娘ㄟ腳步 踏入這ㄟ溫度

亭仔腳 彼葩燈火 催著我     店仔口ㄟRadio  思念ㄟ歌

流浪ㄟ囝仔 想欲轉來 乎你看 

(B)

一坑八肚牽著兩個猴囝仔      強欲未記你是我上好ㄟ囝仔伴

香腸攤仔ㄟ炭火猶原赫呢大  今仔換伊大漢ㄟ後生值底挽 

伊跟伊老ㄟ 惦置厝 罔騙孫啊

(C)

店仔口ㄟ青春歌    歲月相替換   

卡早你按耐阮 置台下  今啊換阮 唱乎你聽

(A)2

彼一暝我又擱轉來這    看著阿爸ㄟ笑容   率著親戚來喊聲

阿姐跟我講    這是伊ㄟ囝仔  趕緊叫阿舅 大漢教你唱歌

咱嘛欲置咱ㄟ故鄉  乎人拍簿仔(鼓掌) 

(C)

店仔口ㄟ青春歌  故事 唱未煞

來來去去ㄟ老戲班 劇本續落去扮

店仔口ㄟ青春歌  歲月相替換   

卡早你按耐阮 置台下 今啊換阮 唱乎你 聽

啦啦啦啦啦啦 啦啦啦   啦啦啦 啦啦啦 啦啦啦 

啦啦啦啦啦啦 啦啦啦    啦啦 啦啦啦  

店仔口ㄟ青春歌  歲月相替換   

卡早你按耐阮 置台下 今啊換阮 唱乎你 聽

故事歸站 唸到這  沒棄嫌就 拍簿仔